Ливерпулийн алдарт The Beatles хамтлагийн оролцогч, бөмбөрчин   байсан Ринго Старр “Hollywood Inquirer” хэвлэлд өгсөн ярилцлагадаа Пол Маккартниг бүр 1966 онд нас барсан, өнөө хүртэл түүний нэрээр ижил хүн л орлон дуулж хөгжимдөж байгаа гэж мэдэгдсэн нь хэвлэл мэдээллийнхнийг гайхшруулаад байна.

“The Beatles”-ийн бөмбөрчин энэ ярилцлагадаа өнгөрсөн хагас зууны туршид Пол Маккартнийг хэн нэгэн Билли Ширс гэгч л орлож байсан гэжээ.

“Полыг нас барахад бид үнэхээр балмагдсан. Тэр үед бидний менежер Брайан Эпстайн юу хийж, яах нь тодорхойгүй байлаа. Тэгээд тэр ямар ч байсан хэсэгтээ Полыг орлож байхыг Билли Ширст гэгчид санал болгосон. Тэр уг нь хамтлагт хоёр долоо хоногоос илүүгүй байж Полыг орлох байсан ч үзэгчид, сэтгүүлчид гээд хэн ч орлон тоглогч байна гэж мэдээгүй. Тэгэхээр нь бид Ширсийг хамтлагийнхаа байнгын гишүүн болгохоор шийдэж,  тэр ч энэ хугацаанд мэргэжлийнхээс, Полоос дутахгүй хөгжимчин болсон” гэж Ринго Старр “Hollywood Inquirer”-т ярьсныг британийн хэвлэлүүд иш татаж байна.

Пол Маккартниг олон жилийн өмнө нас барсан гэдэг цуу яриа хэвлэлээр анх удаа тарж байгаа нь энэ биш. Бүр 1969 онд Маккартниг нас барсан гэж америкийн хэсэг оюутан бичиж байсан.
“Битлз”-ийн шүтэн бишрэгчдийн энэ цуу яриа энэ хамтлагийн "Abbey Road" цомгийн гадар дээр хэвлэсэн зургаас үүдэн гарсан гэдэг. Энд Пол Маккартнигийн зураг нүд нь аниатай, тамхи татаж байгаагаар гарснаас ингэж ярьцгаах болжээ.
Хэдийгээр дахин ийм дуулиан, яриа гараад байгаа ч Пол Маккартни өөрөө энэ талаар ямар нэгэн тайлбар хийгээгүй байна.