Зөвхөн нарны эрчим хүчээр ажиллаж нисдэг Solar Impulse нисэх онгоц дэлхийг тойрохоор өнөөдөр өглөө Абу-Дабигаас гарлаа. Энэ бол нарны эрчим хүчээр ажилладаг онгоц дэлхий тойрох гэж байгаа анхны аялал.
Энэ төслийн удирдагч доктор Ахмал ибн аль-Хоуль энэ нислэг Арабын Эмиратын хувьд түүхэн ач холбогдолтой үйл явдал болно гэж мэдэгдсэн байна.
Францын Dassault Systеmes товчооны бүтээсэн энэ онгоц өнгөрсөн онд хоёр удаа туршин нислэгээ амжилттай гүйцэтгэсэн юм.

Энэ онгоц нарны эрчим хүч цуглуулах 17,2 мянган батарей бүхий 72 метр урт далавчтай, нийтдээ 2,3 тонн жинтэй, цагт 140 км хурдлах хүчин чадалтай юм.
Нэгэнт эрчим хүчээ цуглуулсан бол онгоц цаг агаарын ямар ч нөхцөлд, бүрхэг байсан ч, салхитай байхад ч нисэх чадвартай.

2010 оны дөрөвдүгээр сарын 7-нд ийм загварын онгоц 75 минутын турш ниссэн бол 2012 оны зургадугаар сард Швейцариас Марокко хүртэл 205 мянган км зам туулж анх удаагаа тив хооронд зорчсон юм.
2013 оны тавдугаар сард Solar Impulse анх удаа буулгүйгээр 26 цаг нисч 1,5 мянган км зам туулж дээд амжилт тогтоож байжээ.