ZTE Корпораци шинэ стратегиа M-ICT-д чиглүүлэн ажиллах болсноо дэлхий нийтэд зарласан. M-ICT-гийн гол хөгжлийн түлхүүр нь 5G технологи бөгөөд энэ хоёр технологи нэгдэн шинэ дэлхийг бий болгоно хэмээн мэдэгдсэн нь салбарынхны анхаарлыг татаж байна.  

Дэлхийд тэргүүлэгч харилцаа холбооны тоног төхөөрөмж, сүлжээний шийдэл болон хөдөлгөөнт төхөөрөмжүүдийг үйлдвэрлэгч тус корпораци нь бүтээгдэхүүн үйлчилгээгээ M-ICТ  (М нь Mobile, Man to Man, Man to Machine, Machine to Machine гэх утгуудыг илэрхийлж байна) стратегид нийцүүлэн бүтээснээр мэдээллийн үнэ цэнэ нэмэгдэж, мэдээллийн урсгал түргэн шуурхай болох боломж бүрэн нэмэгдэнэ.

M-ICT нь таны хүссэн бүх зүйлсийг таны оролцоогүйгээр цаг алдалгүй таныг хаана, хэзээ байхаас үл шалтгаалан,  танд мэдээллийг тасралтгүй түргэн шуурхай хүргэхээс гадна удирдах боломжийг олгоно гэж ZTE Корпорацийн гүйцэтгэх захирал ноён Ши Лиронг хэлсэн байна. Тэрээр мөн “ ZTE 2012 оноос эхлэн 5G-г хөгжүүлэхэд анхаарлаа хандуулан ажиллаж, үндсэн 5G технологи болон анхны төхөөрөмжүүдийг туршсаар байна.  Мөн дан ганц биет зүйлс дээр бус ухаалаг төхөөрөмжийн аппликэйшн болон шинэ үйлчилгээнүүд дээр ч ажиллаж байна” гэжээ.

ZTE корпорацийн салбартаа манлайлалыг авчирсан гол туршилтуудыг сонирхуулахад 4G технологийг 4G бий болохоос 10 жилийн өмнө судалгаа шинжилгээ, туршилтуудыг хийж байсан бөгөөд 2009 оноос эхлэн Software defined air-interface (SDA) технологи, 2013 оноос хойш SDA-д суурилсан 5G технолгийг тус тус хөгжүүлж байгаа юм байна.  Дашрамд дурдахад ZTE корпораци 35000 гаруй лиценз эзэмшдэг ба ихэнх нь харилцаа холбооны салбарын технологийн иновацийн лицензүүд байдаг юм байна.  Мөн жил бүр өөрийн ашиг орлогын 10 хувийг судалгаа шинжилгээ, шинэ иноваци, шинэ бүтээгдэхүүн арган авахад зарцуулдаг гэсэн байна.

Ингээд та бид ZTE корпорацийн шинэ өнгө төрх, шинэ технологи, шинэ бүтээгдэхүүнүүдийг хүлээх л үлдлээ.