"Медальд хүрэх зам” волейболын C зэрэглэлийн тэмцээнийг 35-аас дээш насны волейболчдын дунд зохион байгуулна.

Монголын волейболын залуучуудын холбооноос волейбол сонирхогчдын дунд  уг тэмцээнийг “Аврагч” спорт хорооны зааланд энэ сарын 21-нээс эхлэн зохион байгуулах гэж байна. Волейболчдын тус тэмцээнд сонирхогчид болон 35-аас дээш насны цол зэрэгтэй тамирчид оролцох эрхтэй. Харин Монголын волейболын холбооны клубүүдын тэргүүн шалгаруулах 2013, 2014 оны тэмцээнд оролцсон бүх тамирчид, насанд хүрэгчдийн УАШТ-ий эхний найм, залуучуудын болон оюутны УАШТ-ий эхний дөрвөн байрт шалгарсан, 35-аас доош насны спортын мастер цолтой тамирчид оролцох эрхгүй юм.

Тэмцээний баруун бүсийн тоглолт энэ сарын 21-22-нд, зүүн бүсийнх 28-29-нд, хагас шигшээ дөрөвдүгээр сарын 4-нд, шувтаргын тоглолтууд 5-нд болж шилдгүүдээ тодруулна. Тэмцээнийг хамтран зохион байгуулагч МЗХ, “Монлайн” спорт хувцасны дэлгүүр, Сингапурын боловсролын төвүүд ажиллах юм. “Медальд хүрэх зам” тэмцээний тэргүүн байр эзэлсэн эрэгтэй, эмэгтэй багууд 600 мянган төгрөгийн шагнал тус тус хүртнэ.