Цахим орчинд "Маргааш төв талбайд жагсацгаая" утгатай бичвэрүүд хөвөрсөн. Шатахууны хомсдол, үнийн өсөлтөд бухимдсан, ахмадын тэтгэврийг нэмэх хүсэлтэй иргэд өнөөдөр (2026.10.01) төв талбайд жагсаж байна. Тэд машинаа талбайн хажуу талд тавьж, машинаас буун жагсаалаа эхлүүлсэн юм. 

"Туйлдаа хүрлээ" гэх лоозон барьснаас бусдаар өөр уриа, лоозон ажиглагдсангүй. Жагсагчдын сэтгэгдлээс хүргэж байна. 

"Цахим орчноос 10-р сарын 1-нд 10 цагаас жагсана гэх уриалгыг харсан. Адилхан шатахууны дараалалд зогсож байгаагийн хувьд үзэл бодлоо илэрхийлэх гэж, хариуцлага нэхэх гэж ирсэн. Иргэний хувиар үзэл бодлоо илэрхийлэх гэж ирснээс биш хүмүүсийн ярьж байгаа шиг хөлсний жагсагчийн дүрээр ирээгүй.

Бензиний шагчдаас төр улсаа хэрхэн цэвэрлэх вэ гэсэн зорилгоор ирсэн. Хэн нэгний хөлсний жагсагч биш.

10 тугалтай үнээтэй айл мөртлөө хажуу саахалт айлаасаа сүү авдаг шиг үзэгдэл шатахууны асуудлыг тойрч байна. Тиймээ нэг сарын өмнө ч гэсэн нефть боловсруулах үйлдвэрээ барьж ашиглалтад оруулаасай гэж хүсэж байна.

Мөн Үндсэн хуулийн тогтолцоог өөрчлөх саналтай байна. Шинэ үндсэн хуультай болж үндсэн хуулийн сонгууль хийх хэрэгтэй.

Шатахуун байгаа мөртөө зохиомол хомсдол үүсгэж буй. Энэ нь шагчдад илүү ашигтай. Зарим шатахуун түгээх станц шатахуунтай атлаа түгээхгүй байгаа нь ажиглагдсан. Дотооддоо шатахуун үйлдвэрлэе, нефтийн үйлдвэр барья гэхэд зөвшөөрөөгүй. Тухайн үед нэг литр шатахууныг 4000, 5000-аар үйлдвэрлэнэ. Гаднаас оруулж ирвэл илүү хямд байна гэж байсан. Одоо бодит байдлыг харах хэрэгтэй " хэмээн жагсагч П.Шинжээравдан сэтгэгдлээ илэрхийллээ.