Мэргэжлийн сүмогийн Харү башё Осака хотноо үргэлжилж байна. Ичиножёо А.Ичинноров Их аварга /ёкозүна/ Харүмафүжи Д.Бямбадоржийг давж, тэд хоёулаа адилхан хоёр даваатай боллоо.

Маэгаширагийн нэгд бичигдсэн Ичиножёо А.Ичинноров Харүмафүжиг дайрахад шуун дээр нь дугтарч татаад тэнцвэр алдуулан дэвжээнээс түрж гаргажээ. Тэмцээний гурав дахь өдрийн барилдаанд Их аварга Хакүхо М.Даваажаргал Точиозанаг, озэки Гоэйдо сэкивакэ Окиноүмиг давсан байна. Харин шинэ сэкивакэ цолтон Тэрүнофүжи Г.Ган-Эрдэнэ комосүби Тамаваши Б.Мөнх-Оргилоор гурав дахь даваагаа авлаа. Башёгийн эхний хоёр өдөр дараалан ялагдсан озэки Кисэносато Саданофүжийг давж нэг даваатай болов.

Монгол бөхчүүдийн барилдааны дүнг танилцуулж байна
Ёкозүна         Хакүхо                 М.Даваажаргал              3-0
Ёкозүна        Харүмафүжи         Д.Бямбадорж                 2-1
Сэкивакэ      Тэрүнофүжи          Г.Ган-Эрдэнэ                  3-0
Комосүби      Тамаваши             Б.Мөнх-Оргил                 0-3
М-1               Ичиножёо             А.Ичиннноров                 2-1
М-8               Токитэнкү             А.Хүчитбаатар                1-2
М-10              Кёкүшүхо              Т.Эрдэнэбаатар             1-2
М-11              Кёкүнтэнхо            Н.Цэвэгням                    0-3
М-14              Араваши                Э.Дөлгөөн                      1-2