Чөлөөт бөхийн эмэгтэйчүүдийн Дэлхийн цомын аварга шалгаруулах тэмцээнээс хүрэл медаль хүртсэн Монголын эмэгтэй шигшээ багийн бөхчүүдийг ЭМСЯ-ны Биеийн тамир, спортын хөгжлийн төв /БТСХТ/-ийн дарга П.Бат-Эрдэнэ өнөөдөр хүлээн авч баяр хүргэж, хүндэтгэл үзүүлэв.

Манай эмэгтэй баг тамирчид Дэлхийн цомын аварга шалгаргуулах тэмцээнээс анх удаагаа хүрэл медаль хүртэж дэлхийн шилдэг баг гэдгээ нотолж монгол түмнээ баярлууллаа. ОХУ-ын Санкт-Петербург хотноо болсон энэ тэмцээнд дэлхийн шилдэг найман баг оролцсон бөгөөд манай баг тамирчид дэвжээний эзэн ОХУ-ын дараа хэсэгтээ хоёрдугаар байр эзэлж хүрэл медалийн төлөө АНУ-ын хүчтэй багтай учраа таарч 5:3-аар буулган авч хүрэл медаль хүртсэн юм.