АНУ-ын Калифорни мужийн Лос-Анжелес хотноо дөрөвдүгээр сарын 11-12-нд зохион байгуулах чөлөөт бөхийн эрэгтэйчүүдийн дэлхийн цомын аварга шалгаруулах тэмцээнд Монголын шигшээ багийн тамирчид хүч сорих юм.

Дэлхийн цомд чөлөөт бөхөөр шилдэг тамирчидтай найман улсын шигшээ багийнхан өрсөлдөх бөгөөд Монголын баг тамирчид A хэсэгт ОХУ, Куба, АНУ-ын баг тамирчидтай учраа таарсан бол B хэсэгт Иран, Азербайжан, Белорусь, Туркийн шигшээ баг өрсөлдөнө. Дэлхийн цомын тэмцээн 1973 оноос хойш жил бүр уламжлал болгон зохион байгуулж ирсэн. Энэ жилийн хувьд 43 дахь удаагаа зохион байгуулах гэж байна.