“VIP AUTO” клубээс жил бүр уламжлал болгон зохион байгуулдаг дрифтийн тэмцээн энэ сарын 25-нд Скай резортын төв талбайд болно.

“VIP DRIFT SHOW 2015” тэмцээн нь энэ зуны анхны нээлтийн дрифтийн тэмцээн болж байгаа юм. Энэ жилийн онцлог нь дрифтийн тэмцээнээс гадна Монголын авто спортын хөгжлийг харуулах зорилгоор VIP TUNING буюу авто машин тоноглолын шоу, RC CARS буюу удирдлагатай машины дрифтийн тэмцээн, Мото спортын мастеруудын мотоциклын үзүүлбэр болоод азтай үзэгчид шалгаруулж ивээн тэтгэгчдийн гарын бэлгээр шагнах зэрэг гайхалтай үзүүлбэрийг сонирхуулна.

Клубээс тэмцээний зохион байгуулалтын аюулгүй байдлыг дээд зэргээр хангах үүднээс ОБЕГ, ЗЦГ, Нийслэлийн хэв журмыг сахиулах газартай хамтран ажиллана.

Дашрамд дуулгахад, уламжлалт дрифтийн тэмцээнийг их дээд сургуулийн оюутан залуус ихэд сонирхон, ирж үздэг. Иймд оюутны үнэмлэхээ авч ирсэн оюутан бүрт ивээн тэтгэгчийн онцгой бэлэгтэй. Ерөнхий ивээн тэтгэгчээр Скайтел групп, ивээн тэтгэгчээр Монре даатгал ажиллах бол AUTO VYNIL хамтран зохион байгуулна.