Монголын рок попын ертөнцөд “Киви” хэмээн өвөрмөц өнгө төрх, имиж бүхий хамтлаг мэндэлж хэдэн жилийн өмнөөс залуусыг байлдан дагуулж байна. Рок попын ертөнц дэх “Хар сувд” хэмээгддэг дуучин Ц.Намуунаа Монгол Улсын Соёлын гавьяат зүтгэлтэн Д.Ухнаагийн “амин хайртай зээ охин” төдийгүй “Киви” хамтлагийн амин сүнс яах аргагүй мөн. Тэрээр рок попын тогоонд хамгийн өвөрмөц дүр төрх, имижтэй гэдгээрээ эрхгүй ялгардаг.
Тэгвэл Соёлын тэргүүний ажилтан Ц.Намуунаа анхны соло уран бүтээлийн “One moment” цомгоо өлгийдөн авлаа. Тэрээр анхны цомгоо танилцуулах хэвлэлийн бага хурлаа маргааш Чингис зочид буудалд хийх юм байна.