Аргентины Сан-Хосе-де-Балькарсе хотын нэгэн иргэн цагдаагийн газарт дуудлага өгч хөршийн нь гэрээс эвгүй үнэр гараад байна гэжээ. Хууль сахиулагчид ирж хаалгыг нь эвдэж орвол 58 настай Хосе Альберто гэгч нүцгэн чигээрээ орон дээр нас барсан байж гэнэ. Түүний дэргэд урт гэгчийн хиймэл үс хийсэн, эмэгтэй хүний төрхтэй, уруулыг нь час улаанаар будаж, эрэгтэй хүний хиймэл эрхтэн бэхэлсэн  мануухай хэвтэж байжээ.
“Эхлээд бид тэнд хоёр цогцос байна гэж бодсон. Гэтэл нэг нь хиймэл эрхтэн бэхэлсэн эмэгтэй хүний төрхтэй мануухай байсан” гэж орон нутгийн прокурорын төлөөлөгч Родольф Море хэлсэн байна. “Тэр мануухай  талийгаач Альбертогийн нүцгэн биеийн дэргэд хэвтэж байлаа. Бид тэндээс ямар нэгэн хүчирхийллийн ул мөр олоогүй. Тэгэхээр тэр өөрөө мануухайтай бэлгийн ажил хийж байгаад нас барсан юм байна гэж тогтоосон” гэж тэрээр нэмж хэлжээ.
Альбертогийн хөшүүд нь түүнийг олон жил мал маллаж ганцаараа амьдарсан, хүмүүстэй бараг харилцдаггүй, тэр бүү хэл утас ч барьдаггүй нэгэн байсан гэж мэдүүлсэн байна.