Хятадын өмнөд нутагт бяцхан хүүхдийг амьдаар нь оршуулчихсан нь найм хоног газар дор амьд байсныг илрүүллээ гэж The Telegraph мэдээлсэн байна. Гуанси мужид ийм явдал болсныг оршуулгын газрын дэргэдүүр явж байсан эмэгтэй олж мэдсэн байна. Түүнийг явж байхад газар дороос хүүхдийн уйлах дуу сонсогдохоор нь цагдаа дуудсан гэнэ. Цагдаагийнхан ирээд шарилыг ухаж үзэхэд цаасан хайрцганд хийж “оршуулсан” хүүхэд уйлж байжээ.

Шалгах явцад нутгийн нэгэн ядуухан фермер өрхөд шинэ төрсөн хүүхэд нь согогтой төрснөөс эмчлүүлэхэд их хэмжээний өртөг гарна хэмээн хоёр хоногтойд нь оршуулгын газар аваачин тавиад дараа нь үхсэн гэж бодон оршуулсан нь энэ гэнэ.
Тухайн үед бороо орж байсан болохоор цаасан хайрцаг нь норж, бяцхан жаал ус, агаараар дутагдаагүй байна,  хүүхдийн бие одоо хэвийн гэж эмч нар хэлжээ. Хүүхдийг амьдаар нь оршуулсан энэ хэрэгт цагдаагийнхан таван хүнийг сэжиглэн саатуулсны дотор хүүхдийн хамаатан таван хүн байгаа гэнэ.