Британийн Даганем хотын иргэн 44 настай Бринклет гэгч 12 цаг, 05 минут, 05 секундын турш тасралтгүй бөмбөр цохиод дээд амжилтын Гиннесийн өмнөх амжилтыг эвдсэн байна.  Дээд амжилт тогтоосныхоо дараа бөмбөрчин эр гарын шуу нь өвдсөний улмаас шууд эмнэлэг очжээ. Бөмбөрчин найман цаг тоглосны дараанаас л гар өвдөж эхэлсэн ч зорьсондоо хүрэхийн тулд болихыг хүсээгүй гэж ярьсан байна.  
Бөмбөрөөр удаан тоглох дээд амжилтыг үүний өмнө филиппиний Жастин Дэниэль Эрде гэгч 2013 онд 12 цаг 03 секунд тоглон тогтоож байжээ.