Аргентины хөлбөмбөгийн “Атлетико Парано” багийн хамгаалагч Кристиан Гомес “Бока Удинос” багтай хийж байсан тэмцээний үеэр нас барлаа хэмээн Ole хэвлэл мэдээллээ. Хөлбөмбөгч яг тэмцээн болж байх үеэр талбай дээр унахад шүүгч тэмцээнийг шууд зогсоон эмнэлгийн анхны тусламж үзүүлж эмнэлэгт хүргэсэн ч зүрхний шигдээсийн улмаас нас барсан байна.
Хөлбөмбөгч тэмцээний үеэр нас барсан нь ганц энэ удаагийнх биш. Тавдугаар сарын 5-нд “Сан-Мартин де Бурсако” багийн тамирчин Эмануэль Ортега Нэг хөлбөмбөгчтэй мөргөлдөх үеэрээ хана мөргөж тархиндаа хүнд гэмтэл авсны улмаас талбай дээр нас барсан юм.
Тавдугаар сарын 11-нд бельгийн “Берсхот Вилрейк” багийн тамирчин Тим Нико мөн зүрхний шигдээсийн улмаас “Хемиксем” багтай хийсэн тэмцээний үеэр нас барсан.