Токио-2020 олимп, паралимпын наадам Япон улсын нийслэл Токио хотноо болно. Үүнтэй холбоотойгоор Япон улсын Шизүока, Нигата мужуудаас ЭМСЯ-д 2020 оны олимп, паралимпын наадам болон ирэх жил болох Риогийн олимп, паралимпын наадамд оролцох Монгол Улсын баг тамирчдын бэлтгэлийг хангуулахад хамтран ажиллах хүсэлт ирүүлсэн байна. Энэ дагуу Эрүүл мэнд, спортын дэд сайд Т.Болдбаатар албаны хүмүүстэй өнгөрсөн сарын 17-23-нд Япон улсын Фукуока, Шизүока, Нигата мужид уригч талын зардлаар ажиллаад иржээ.

Нигата мужийн зүгээс манай эмэгтэй чөлөөт бөх, усанд сэлэлт, багийн спортын төрлүүд гэх мэт 10 гаруй спортын төрөл, өвлийн спортын төрлүүдээр тамирчдыг бэлтгэх, спортын нөхөн сэргээх үйлчилгээ үзүүлэх гэх мэт дэмжлэг үзүүлэн хамтран ажиллахад бэлэн гэдгээ илэрхийлжээ.