Нийслэлийн нийтийн тээврийн үйлчилгээг шинэчлэх ажлын хүрээнд автобуснуудад төлбөрийн цахим систем нэвтрүүлж эхэлсэн. Өнөөдөр өглөөнөөс автобуснууд иргэдэд цахим системээр үйлчилж эхэллээ.
Чингисийн талбай дээр нийтийн тээврийг төлбөрийн цахим систем оруулсан ажиллагааг нээсэн  ажиллагаа  ажиллагаанд Улаанбаатар хотын захирагч Э.Бат-Үүл, БНСУ-аас Монгол Улсад суугаа элчин сайд У Сун, “Кореа Смарт Карт” корпорацийн ерөнхий захирал Чүэ Тэ Сон, “Тэнүүн Огоо” ХХК-ийн захирал А.Ганхуяг тэргүүтэй албаныхан оролцлоо. . Энэ үеэр иргэд Чингисийн талбайд ирж нийтийн тээврээр үйлчлүүлэхдээ төлбөрийн цахим систем ашиглах талаар дэлгэрэнгүй  мэдээлэл авлаа.
    
Ийнхүү  өнөөдрөөс эхлэн ард иргэд, зорчигчид  нийтийн тээврээр үйлчлүүлэхдээ өөрт ойр байрлах автобусны буудал дээрх ТҮЦ-ээс цахим картаа 3600 төгрөгөөр худалдаж авна. Харин хөнгөлөлттэй зорчдог өндөр настай, хөгжлийн бэрхшээлтэй иргэдийн хувьд хорооныхоо халамжийн ажилтанд картаа захиалж болно. Харин картаа авч амжаагүй тохиолдолд бэлэн мөнгөний машинд мөнгөө хийх юм байна.
Харин кондукторууд зорчигчид төлбөрөө хийж байгаа эсэхийг хянах үүрэг гүйцэтгэнэ.