Монголын хип хоп ертөнцөд хөл тавьсан анхдагчдын нэг гэгддэг “Люмино” хамтлагийн залуус 2006 онд анхны бие даасан тоглолтоо хийж байсан. Тэгвэл есөн жилийн дараа буюу энэ сарын 8-нд хоёр дахь тоглолтоо “Crocus event hall”-д хийхээр зэхэж байна. Хамтлагийн залуус 1998 оноос хойш бүтээн туурвисан өөр өнгө төрх, хэмнэл бүхий уран бүтээлүүдээ дээжлэн хүргэх учир “Хэмнэл нэрэгч” хэмээн тоглолтоо нэрлэжээ. Тоглолтод хит болсон дуунуудаас дуулагдахаас гадна үнэнч сонсогч, фэнүүдээсээ санал авч хүссэн дуунуудыг нь багтаах гэнэ.