“Даншиг наадам- Хүрээ цом” наадмын хурдан азарганы уралдаанд Төв аймгийн Баянцагаан сумын уяач Х.Баярбатын Хээр азарга түрүүлж, торгон жолоогоо өргүүллээ.

Уралдаанд 13 аймгийн 104 азарга шандас юугаа сорьсоноос Булган аймгийн Дашинчилэн сумын уяач Д.Зоригоогийн Бор азарга аман хүзүүдлээ. Мөн Төв аймгийн Алтанбулаг сумын уяач Б.Шагдаржавын Хүрэн халзан азарга айргийн гуравт, Булган аймгийн Орхон сумын уяач Б.Батсайханы Сайхан саарал айргийн дөрөвт, Завхан аймгийн Идэр сумын уяач Ш.Үнэнбатын Дэлбэг хээр айргийн тавд тус тус хурдлав.