“Даншиг наадам – Хүрээ цам” наадмын хурдан соёолон насны уралдаанд Төв аймгийн Бүрэн сумын Ө.Жамаагийн “Хул” соёолон түрүүлж, торгон жолоогоо өргүүллээ.

Уралдаанд 13 аймгийн 112 соёолон шандас юугаа сорьсоноос Төв аймгийн Баянжаргалан сумын уяач Б.Мөнхтүвшингийн “Хонгор халзан” үрээ аман хүзүүдэв.

Мөн Дундговь аймгийн Адаацаг сумын уяач О.Ганбаагийн “Хонгор халзан” айргийн гуравт, Сүхбаатар аймгийн Сүхбаатар сумын уяач Ж.Хоролбаатарын “Ембүү хээр” айргийн дөрөвт, Төв аймгийн Сэргэлэн сумын уяач У.Ганхүүгийн “Хул” айргийн тавд тус тус хурдлав.

Хурдан морины уралдаан зохион байгуулах комиссоос хавчиг насны гурван үрээ уралдуулахаар бүртгүүлснийг хасчээ.