ОХУ-ын Санкт-Петербургийн зургаан хүүхдийн ээж, 37 настай Екатерина Кирмель оросын “Нөхөртэй гоо бүсгүй-2015”-аар тодорсон байна. Өнгөрсөн ням гарагт Москвад болсон энэ тэмцээнд 22-43 насны 15 бүсгүй шалгарч үлдэн өрсөлдөхөд гол шалгуур нь иргэний үнэмлэх дээрээ “нөхөртэй” гэсэн тамгайтай байх ёстой байжээ.

Тэмцээнд түрүүлсэн Екатерина хоёр дээд сургууль дүүргэсэн, бүжиглэдэг, хөнгөн атлетик, бодибилдингээр хичээллэдэг гэнэ. Хамгийн сонирхолтой нь тэрээр 4-17 насны зургаан хүүхдийн ээж. Түүний том хүү 17 настай бол дөрвөн охины бага нь дөрвөн настай. Тэмцээний сүүлчийн шалгаруулалтад түүний нөхөр, ах, эгч, охин Галя нь ирж дэмжин дууд дуулцгааж байжээ.
Оросын “Нөхөртэй гоо бүсгүй” тэмцээн 1998 оноос эхлэн болж хамгийн анхныхад нь хөлбөмбөгчин Юрий Жирковын гэргий Инна Жиркова түрүүлж байсан юм.