Жил бүр уламжлал болгон зохион байгуулагддаг "Rally Mongolia" автомашин, мотоциклын холын зайн олон улсын уралдаан өчигдөр эхэллээ. Тэмцээнийг Японы SSER байгууллага “Ямада” сан, Монголын автомашин, мотоциклийн спортын холбоотой хамтран, манай улсад 20 дахь жилдээ зохион байгуулж байгаа бөгөөд ихэвчлэн говийн бүсэд зохион байгуулж ирсэн билээ. Уг уралдаан найман өдрийн турш нийт 3355 км  зам туулах бөгөөд эхний өдөр Улаанбаатараас Арвайхээр хүртэл 625 километр  замд уралдана.