Олон улсын сагсан бөмбөгийн холбооноос 2019 оны ДАШТ-ийг зохион байгуулах орныг энэ сарын 7-нд зарлалаа. Эрхийн төлөө Ази тивээс Филиппин болон БНХАУ өрсөлдсөн юм. Олон шалгуур үзүүэлэлтийг өндөр төвшинд хангасан урд хөршийн сагсан бөмбөгийн холбоо  анх удаа дэлхийн аваргын тэмцээн зохион байгуулах эрх авлаа. Филипиний хувьд өмнө нь 1978 оны дэлхийн аваргын тэмцээнийг зохион байгуулж байсан аж. Түүнчлэн тэд гурван ч удаа Ази тивийн аваргын тэмцээн зохиож байгуулсан туршлагатай. Сонирхуулахад, ДАШТ-д оролцогчдын тоог 2019 оноос нэмж, 24-ийг 32 болгосон байна. Урд хөрш ийнхүү томоохон тэмцээн уралдаанууд дарааллан зохион байгуулах эрх авсаар байгаа юм. Энэ сарын 22-ны өдөр Хөнгөн атлетикийн Дэлхийн аварга зохиогдох гэж байгаа бол хэдхэн хоногийн өмнө 2022 оны Өвлийн олимпыг зохиох эрх аваад байгаа билээ.