Английн хөлбөмбөгийн шилдэг тоглогч Дэвид Бекхэм сэтгүүлчид рүү бухимдлаа илэрхийлжээ. Тэрээр анх удаагаа ийнхүү ууртай байдлаа харуулсан шалтгаан нь түүнийг охиныг шүүмжилсэн явдал байж. Сэтгүүлчид түүнтэй хөвгүүдийнх нь талаар ярилцаж байжээ. Английн залуучуудын хөлбөмбөгийн клубүүдэд бэлтгэл хийж буй тэдний ирээдүйн талаар ярьж байгаад бяцхан охиныг нь асуужээ. Дөрөвхөн настай түүний охиныг асуусанд Бекхэм маш ууртайгаар сэтгүүлчид рүү “Та нар яагаад хүүхдийн талаар ярьж байж эцэг эхийг нь шүүмжилж, доромжлох өнгө аястай байдаг юм бэ. Ярих өөр зүйл алга уу” хэмээн уурласан байна. Үүний дараа тэрээр өөрийн инстаграмм дээрээ “тэнэгүүд” хэмээн бичсэн аж.