Монголын орчин үеийн кино урлагийн нүүрийг тахалж яваа цөөн найруулагчийн эхэнд яах аргагүй Ж.Сэнгэдорж багтана. “Мөрөөдлийн хөлөг онгоц”, “Диваажингаас амьдралд хүрэх зам”, “Адам”, “Бодлын хулгайч”,” Ларьдма”, “Үргээлэг” гээд түүний найруулсан бүтээлүүдийн нэрийг нь хэлэхэд л ямархуу зангарагтай уран бүтээлч болох нь харагдана. Тэгвэл авьяаслаг найруулагчийн дараагийн шинэ уран бүтээл тун удахгүй үзэгчдийн хүртээл болох нь.

“Босуул” нэртэй уг киног “Sun pictures”, “Коктейль филм” хамтран бүтээж байгаа бөгөөд гол дүрд жүжигчин А.Баттүшиг тоглож байгаа аж. Харин киноны дуу болох Б.Шаравын хөгжим, О.Дашбалбарын шүлэг “Хүнээс аваагүй монгол” дууг “Харанга” хамтлагийн дуучин Х.Лхагвасүрэн дуулжээ. Уг кинонд ардын хувьсгалын үеийн үйл явдал гарах бөгөөд эсэргүү хэмээн нэрлэгдсэн нэгэн залуугийн тухай өгүүлэх гэнэ.