“Ганга нуурын чуулган” хэмээх түүх соёл, байгаль экологи, аялал жуулчлалын өдрүүдийг Сүхбаатар аймгийн Дарьганга суманд ирэх сарын 5-6-нд зохион байгуулах гэж байна. Энэ үеэр Ганга нууранд хунгийн чуулган болдог учир чуулганы гол арга хэмжээ нь нүүдлийн шувуудын гайхамшигт үзүүлбэр байх нь.
Өнөө жил хоёр дахь удаагаа болж буй уг үйл явдлаар Дарьганга нутгийн уламжлалт соёл, зан заншлыг аялагчдад таниулж сурталчлах юм. Цаашид уг арга хэмжээ нь аялал жуулчлалын брэнд хөтөлбөр болох бөгөөд байгаль экологи, түүх соёл, нүүдэлчний зан үйлийн өвөрмөц онцлог бүхий Дарьганга нутгийн ай савыг хамгаалах, бүс нутгийн хөгжлийг дэмжих, аялал жуулчлалыг хөгжүүлэх, Монгол нутгийн нэгэн гайхамшигт баян бүрд болох Ганга нуурыг хамгаалах үйлсэд бүх нийтийн анхаарлыг хандуулахад чиглэжээ.