Японы Осака хотноо болсон сүмо бөхийн ДАШТ-д манай улсаас насанд хүрэгчдийн төрөлд 10, залуучуудын ангилалд 11 бөх барилдсанаас нэг алт, хоёр мөнгө, 11 хүрэл медаль хүртсэн амжилт үзүүлжээ.

Эрэгтэй сүмочид насанд хүрэгчдийн төрөлд багаараа мөнгө, эмэгтэйчүүд хүрэл медалийн эзэд болсон байна. Энэ тэмцээнд дэлхийн 35 орны 150 гаруй тамирчин оролцсоны дотроос ОХУ, Украинчууд медалийн тоогоор тэргүүлэв. Мэргэжлийн сүмо бөхийн 69 дэх Их аварга Хакүхо М.Даваажаргал, Ичиножёо А.Ичинноров нар монголынхоо баг тамирчдыг  дэмжин тус тэмцээнийг үзсэн байна.

Дашрамд сонирхуулахад, сонирхогчдын сүмо бөхийн 2016 оны ДАШТ ирэх жилийн 7 дугаар  сарын 30-31-нд Монгол Улсад зохион байгуулахаар товложээ.