Чөлөөт, сонгомол бөхийн 2015 оны дэлхийн аварга шалгаруулах тэмцээн АНУ-ын Лас Вегас хотод болж байна. Энэ удаа 100 гаруй орны эрэгтэй, эмэгтэй 650 орчим тамирчин өрсөлдөж байгаа.

Тэмцээний эхний гурван өдөр сонгомол бөхийн барилдаанууд болох бөгөөд өнөө шөнө 02:00 цагт чөлөөт бөхийн барилдаанууд эхэлнэ. Харин медалийн төлөөх барилдаанууд Улаанбаатарын цагаар өглөө 10:30 цагаас болох юм.

Чөлөөт бөхийн тэмцээний эхний өдөр манай тамирчдаас эмэгтэйчүүдийн 48 кг-д Э.Нарангэрэл, 53 кг-д Д.Отгонцэцэг, 69 кг-д О.Насанбурмаа нар барилдах хуваарь гарчээ.