150 сая жилийн өмнө амьдарч байсан өндөглөгч үлэг гүрвэлийн араг ясыг Их Британид дуудлагаар худалдана гэж дуудлага худалдааны Summers Place Auctions танхим зарлажээ. Юрийн галавын үед амьдарч байсан гэх энэ махчин үлэг гүрвэл аллозавр нь 145-155 сая жилийн өмнөх үеийнх гэж үзэж байгаа юм байна. Вайоминг мужаас олсон энэ араг яс хоёр метр урттай бол насанд хүрсэн аллозавр нь 8,5 метр хүрдэг байна.
Дуудлага худалдаа зохион байгуулагчид энэ олдворыг 300-500 мянган фунт стерлингээс эхлэн дуудна гэж төлөвлөж байгаа юм байна.
“Аллозавр нь тираннозавртай хамт баруунд ихэд нэрд гарсан олдвор. Ийм хэмжээний араг яс бол музей, тансагчуудын зочны өрөөний гоё үзмэр болно” гэж дуудлага худалдааны танхимын тэргүүн Руперт Ван дер Верфф хэлжээ.
Энэ дуудлага худалдаа арваннэгдүгээр сарын 25-нд английн Баруун Суссекс гүнлэгийн Биллингсхерт гэдэг газар болох юм байна.