Багадаа галзуу Ганаа  хочтой байсан ч, үзэгчдэд алаг нүдэн нэрээрээ танигдсан УДЭТ-ын чадварлаг жүжигчдийн нэг байсан СТА Д.Ганцэцэг амралтын өдрөө хэрхэн өнгөрүүлж буй тухайгаа фэйсбүүк хуудаснаа ингэж бичжээ.  “Амралтынхаа өдрийг “Чингис хааны нууц түүх” гэдэг энэ “нөхөр”-тэй хамт өнгөрүүллээ. 12 жилийн өмнө анхны хүүгээ төрүүлчихээд нөхрөөсөө авч байсан үнэт бэлгүүдийн минь нэг. Эргээд уншихад бас л гайхамшигтай байна даа. Их хааныхаа түүхийг унших бүрдээ л омогшин хөөрч, Тэнгэрээс их хүч авах шиг мэдрэмж төрөх юм даа. Тийм ээ, өөрийн өвөг дээдсийнхээ үнэт түүхээр бахархан бардамнаж, өнөө цагт хийж болох, бүтээж болох гайхамшигт үйлийг эрэгцүүлж сууна. Бид хэдэн зуунаар дамжигдан, бахархан дуурсахаар юу хийж чадах юм бол. ... Түмэн бодолд дарагдсаар ... Та ч бас оюун бодлоо хуваалцаарай. Ойрд тоост орчлонгийн түмэн бодолд дарагдаагүй намайг бодлын ертөнцөд аялуулж өгсөн Сорогдогийн Жаргалсайхан тандаа хүндэтгэн мөргөе ... !” гэжээ.