Шотландын Клайдбанк хотын цагдаагийнхан банкинд хулгай хийхээр ороод гар хоосон гарсан гурван хулгайчийг хайж эхэлжээ. Энэ есдүгээр сарын 6-ны шөнийн 02 цагийн орчимд цагдаагийн газарт Хатан хааны банкны салбарт хулгай орж байна гэсэн мэдээлэл иржээ. Үнэн хэрэгтээ банкны энэ салбар 2014 онд ажиллахаа больсон ч үүдэнд нь АТМ байсаар байгаа нь хулгайчдад банк ажиллаж байгаа юм байна гэсэн сэтгэгдэл төрүүлсэн хэрэг.
Гэмт хэрэгтнүүд банкны байшинд нэвтэрч ороод мөнгө олоогүй болохоороо гарч зугтжээ.
Гэхдээ зүгээр ч нэг зугтсангүзй, гоёл чимэглэлийн дэлгүүрт орохыг оролдсон ч бас л бүтэлгүйтэж KFC зоогийн газрын ханыг цоолон орсон байж.
Гурван хулгайч банкны байшингаас гараад зугтааж байгаа нь хяналтын камерт бичигдэж үлдсэн байсан ч сураггүй болсон тэднийг хайхад иргэдээс тусламж хүсээд байгаа гэнэ.