“Эрүүл мэндийн даатгалын тухай” хуулийн шинэчилсэн найруулга долдугаар сараас хэрэгжиж эхэлсэн. Үүнд эрүүл мэндийн даатгал төлөгч иргэн сард 55 мянган төгрөгийн шинжилгээ, оношилгоонд үнэ төлбөргүй хамрагдах эрх туссан. Үүний дагуу Орхон аймгийн Бүсийн оношилгоо, эмчилгээний төвийн Үйл оношийн тасаг элэг, бөөр, өөх тос, нойр булчирхай, бамбай, мөөгөнцөр, төмөр, шээс зэрэг 20 орчим шинжилгээ хийж байна.

Харин Дүрс, оношилгооны тасаг 30 гаруй төрлийн шинжилгээ хийж байна. Иймд иргэд сард 55 мянга, улиралд 165 мянган төгрөгийн оношилгоо, шинжилгээг үнэ төлбөргүй хийлгэх эрхээ эдлэх хэрэгтэй хэмээн эрүүл мэндийн байгууллагынхан хэлж байна.