Олон улсын хүүхдийн “Найрамдал” зусланд амарсан хүүхдүүдийн зүрх сэтгэлд мартагдахааргүй олон сайхан дурсамж үлддэг. Хүүхэд насны гэнэн томоогүй цайлган сэтгэл, гэгээн цагаахан дурсамжаа үлдээсэн “Найрамдал”-ынхны хүсэн хүлээсэн дурсамж уулзалт үдэшлэг зохион байгуулагдах тов тодорхой болжээ. Улс үндэсний хүүхэд өсвөр үеийнхний чөлөөт цагийг үр бүтээлтэй өнгөрүүлэх, тэдний үерхэл нөхөрлөлийг бэхжүүлэх, шинэ мэдлэг мэдээлэл олгох, авьяас чадварыг нь нээн хөгжүүлдэг тус төвийн үе үеийн бүлгийн удирдагчид, амрагч шавь нарын өнгөрсөн үеэ дурсан санаж хамтдаа дуулж, бүжиглэх өдөр нь аравдугаар сарын 23. Уг арга хэмжээг “Найрамдал” зуслангийн багш нар зохион байгуулж буй юм байна.