“Өршөөл үзүүлэх тухай хууль”-ийн дагуу захиргааны хариуцлагын улмаас жолоодох эрхээ хасуулсан жолооч нарын эрхийг сэргээж эхэлсэн билээ. Тус хуулийн 10 дугаар зүйлийн 10.2 дахь хэсэгт заасан Захиргааны хариуцлагын тухай хуулийн дагуу тээврийн хэрэгсэл жолоодох эрхээ хасуулсан давхардсан тоогоор 81451 жолооч байгаагийн 31996 нь эрхээ сэргээлгэсэн байна. Тэдний заримд нь жолооны үнэмлэх хэвлэгдэх хүртэл жолоочийн түр зөвшөөрөл олгосон аж. Мөн лицензийн төвийн санд хураасан 22000 ширхэг үнэмлэхний 8751-ийг эздэд нь буцаан олгожээ.