Монгол Улсын Хөдөлмөрийн баатар, гавьяат тамирчин Х.Цагаанбаатар болон Монголын жүдо бөхийн холбооны дэд ерөнхийлөгч Х.Төмөртогоо нарын санаачилгаар Дарханы бага олимп зохион байгуулагдах гэж байна. Энэ сарын 3-9-нд Дархан-Уул аймагт болох бага олимпын талаар гавьяат тамирчин Х.Цагаанбаатар өөрийн фэйсбүүк хуудсаараа мэдээлэл тараалаа. Тэрээр Дархан-Уул аймгаас төрөн гарсан спортын алдартнуудад бага олимпын урилгыг гардуулахаас эхлээд ажил ихтэй байгаа гэсэн. Мөн энэ олимпын үеэр Дархан төв цэнгэлдэх хүрээлэнгийн нээлтийн ажиллагаа болно хэмээн тэрээр мэдээлсэн юм.