БНХАУ-ын Хэбэй мужийн Шижиажуан хотод болсон “Вучиао” олон улсын циркийн фестивальд Монголын үндэсний циркийн жүжигчид “шидэх банз”-ны үзүүлбэрээр мөнгөн цомын эзэн болжээ.

Тус наадам нь олон улсын нэгдүгээр зэрэглэлийн тэмцээн бөгөөд Монгол, Герман, Орос, Хятад, Мексик, Канад, Америк, Франц, Хойд Солонгос зэрэг арав гаруй орны циркчид ур чадвар, авхаалж самбаагаа сорин өрсөлдснөөс Монгол улсаа төлөөлөн оролцсон Т.Буд продюссертэй, Б.Золбаяр ахлагчтай жүжигчид хамгийн өндөр оноо авч, дэлхийн болон монголын түүхэн ам­жилтын эзэд болжээ. Тодруулбал, зургаан давхар хүн дээр эмэгтэй анх удаа дан эргэлт хийж дэлхийн дээд амжилтыг эвдсэн байна.
Түүнчлэн, Монго­лын циркчдийн түүхэнд анх удаа 720 градусаар бланш хийж улсынхаа дээд амжилтыг шинэчлэн тогтоолоо.