Зураач, барималч Ц.Тамир “Туульс” бие даасан үзэсгэлэнгээ урчуудын эвлэлийн хорооны үзэсгэлэнгийн  танхимд өнөөдөр 17:00 цагт дэлгэнээ. Үзэсгэлэнд түүний 2013-2015 онд урласан каллиграф болон уран барималууд дэлгэгдэх юм. Тэрээр каллиграф буюу уран бичлэгийг зөвхөн жаазаар хязгаарлах хүсэлгүй, уудам тал нутагтаа, өргөн талбайд бичихийг эрмэлздэг уран бүтээлчдийн нэг. Түүний аав монгол бичгийн багш бөгөөд дунд ангиасаа уйгаржин монгол бичигт суралцсан аж.
Мөн тэрээр хилийн чанадад монгол уран бичлэгийг сурталчлахад багагүй үүрэг гүйцэтгэж, олон улсын фестивальд эх орноо төлөөлөн оролцож байсан туршлагатай. Үзэсгэлэн  энэ сарын 31-нийг дуустал олны хүртээл болно.