“The Corporate Hotel & Convention Centre”-ийн хамт олон соёл урлагийн салбарт үнэтэй хувь нэмэр оруулж олон улсын стандартад нийцсэн, өндөр зэрэглэлийн концертын танхим ашиглалтанд орууллаа.

Танхимын нээлтэд зориулж дэлхийд чансаагаар дээгүүр бичигддэг Оросын нэрт төгөлдөр хуурч Эльмар Гасановыг урьжээ. Тэрээр олон улсад нэрд гарч яваа Оросын “RusQuartet” хийлийн квартетийн хамт шинэ танхимын жавар үргээхээр Монголд ирэх аж.Тоглолтод сонгодог хөгжмийн эрин үеийн ноён оргил болсон Бетховены 23 дугаар сонат, Оросын нэрт хөгжмийн зохиолч Рахманиновын “Variations on a Theme of Corelli”, Германы хөгжмийн зохиолч Брамсын “Piano quintet оf moll” тэргүүтэй дэлхийд ховор тоглогддог сонгодог бүтээлүүдийг хүн төрөлхтний сэтгэл зүрхийг 90 жил хөглөсөн гайхамшигт “KAWAI” төгөлдөр хуураар тоглох аж.
1100 хүний багтаамжтай шинэ танхим 72 зам бүхий фульттэй,“Yamaha” брэндийн иж бүрэн дууны техник, “Sennheiser” микрофон, “EVO” брэндийн гэрэл, LED дэлгэц “avolite media server” удирдлага, динамик хөдөлгөөнт тайз бүхий бүрэн дижитал системтэй аж. Танхимын нээлтийн тоглолтод оролцсон хэн бүхэн нэрт төгөлдөр хуурч Эльмар Гасанов болоод Монголын урлаг соёл, улс төрийн хүрээний эрхэмүүдтэй хүндэтгэлийн хүлээн авалтанд оролцох боломжтой.