“Монгол-Хятадын үйлдвэрлэгч, худалдаалагчдын экспо” үзэсгэлэн, яармаг энэ сарын 23-27-нд БНХАУ-ын ӨМӨЗО-ы Хөх хотод болно.

Энэ үеэр ӨМӨЗО-ы Ардын засгийн газар, Хөлбөмбөгийн холбоо, Спортын захиргаа, Бүс нутгийн Худалдаа, аж үйлдвэрийн газар хамтран хоёр орны 15 хүртэлх насны ангиллын хөлбөмбөгчдийн тэмцээн зохион байгуулах юм. Тус тэмцээнд Монгол Улсаа төлөөлөн оролцох тамирчид өчигдөр урд хөршийг зорилоо.

Тэмцээнд Монголын дөрөв, БНХАУ-ын дөрөв, нийт найман баг хүч үзэхээр болжээ.
МХБХ-ноос энэ жил дотооддоо өндөр амжилт үзүүлсэн “ДМЮ”, “Монголын тэмүүлэл”, “Хараацай”, “Дэрэн” клубын 15 хүртэлх насны баг тамирчид тус тэмцээнд оролцож байгаа юм.