The Weinstein Company болон Netflix кино компанийн хамт­ран бүтээх “Марко Поло” түүхэн цувралын хоёрдугаар хэсгийн зураг авалт эхэлжээ.

17 настайдаа төрөлх Венец хотоосоо дорно зүгт гарч, Их Монгол улсад хүрэн Хубилай хааны дэргэд суух шадар нь болж байсан домогт эрийн тухай өгүүлэх уг бүтээлийн Аригбөхийн дүрийг жүжигчин Б.Амарсайхан бүтээж байсан юм. Ариг бөх бол Чингис хааны отгон хүү Тулуйн бага хүү бөгөөд ах Хубилайтайгаа Их Монгол Улсын хаан суудлын төлөө тэмцэж байсан эрэлхэг баатар билээ. Түүнд эртний монгол эрийн төрх ямар зохисныг толилууж байна.

Тэгвэл энэ удаагийн цувралд жүжигчин Ц.Цэрэнболд Сорхугтани бэхи хатны эцэг Жаха Хамбугийн дүрд тоглохоор болсон ч өөрийн фэйс хуудсандаа оруулсан постод Чингисийн дүрийг бүтээж байгаагаар бичжээ.