Шотландын Роял банк үйлчлүүлэгчдэдээ нэгэн шинэ технологийг санал болгож эхэлжээ. Тус банкны үйлчлүүлэгчид хэрэв смартфон буюу ухаалаг гар утастай бол карт хэрэглэхгүйгээр АТМ-ээс бэлэн мөнгө авах боломжтой болжээ.
Тус банкны 2,6 сая үйлчлүүлэгч смартфонтой гэсэн тоо байдаг. Тэдгээр үйлчлүүлэгч банкнаас гаргасан тусгай программыг гар утсандаа татаж суулгаад, зургаан орон бүхий нууц код авч банкны салбарт шинээр нэвтэрсэн энэ үйлчилгээг ашиглах эрхтэй болох аж. Хэрэглэгч нууц кодоо АТМ-д уншуулаад 100 фунт стерлинг хүртэл гүйлгээ хийж болох гэнэ. Энэ нь карт юм уу түрийвчээ мартсан, орхисон, эсвэл яарч сандарсан үед гар утсаараа дамжуулан бэлэн мөнгөтэй болох хялбар арга юм.