АНУ-ын Кентукки мужийн Лексингтон хотод болсон хурдан морьдын  уралдаанд Монголын хурдан морь уяач "Макс" группын тэргүүн Д.Ганбаатарын "Mongolian Saturday" хүлэг түрүүлсэн билээ. Тэгвэл энэхүү алдарт хурдан хүлэгэнд зориулж МЗЭ-ийн шагналт яруу найрагч Ванягийн Нэргүй “Жигүүрт хээр” нэртэй  шүлэг бичжээ.  Ийнхүү монгол түмний бахархал болсон алдарт хурдан хүлэг өөрийн гэсэн уран бүтээлтэй боллоо. Уг шүлгэнд хөгжмийн зохиолч Монгол Улсын соёлын тэргүүний ажилтан О.Эрдэнэ аялгуу хийж, Монгол Улсын соёлын тэргүүний ажилтан Төрмандах дуулах юм байна.  Сувдан хөлс нь энгэрийн цэцэг адисладаг, суман дэл нь талын салхи зүсдэг монгол түмний хайр энэрэл татсан адуу адууны хийморь алтан туурт хүлэг дэдхийн цээжин дээр төрийн далбааг намируулсан эл гайхамшиг бүхний эхлэл болсон Тод манлай уяач “Макс” группын Д.Ганбаатарын шандаст хурдан хүлэг ийнхүү  ард түмнийхээ баяр цэнгэл, бахархал болон дуулагдах болсон байна.