“Гайз” хамтлагийн авьяаслаг залуучууд шилдэг дуунуудын цомгоороо Европын орнуудаар аялан тоглолт хийж байгаа талаар бид өмнө нь мэдээлсэн. Тэгвэл тус хамтлагийнхан энэ удаад Лондон хотод очиж фэнүүдийнхээ сэтгэлд хоногшсон дуунуудаараа тэнд ажиллаж, амьдардаг элэг нэгтнүүдээ байлдан дагуулжээ.

Тус тоглолтыг нь зохион байгуулахад Их Британи дахь Монгол Улсын ЭСЯ, Монголчуудын холбооны хамт олон хувь нэмрээ оруулсан аж. Харин тоглолтыг үзсэн монголчууд маань хамтлагийнхаа 20 жилийн ойн тоглолтоор дахин ирэхэд нь улам олуулаа угтах болно гэдгээ амлажээ.
Ямартай ч тус хамтлагийнхан өнгөрсөн найман өдрийн дотор зургаан тоглолт хийсэн бөгөөд дараагийн зогсоол нь Польшийн Варшав хот болж байна. Тус хотод өнөөдөр тоглоод Унгарыг зорихоор төлөвлөжээ.