Монгол поп опера "Увертюра" хамтлагийн залуучууд тун удахгүй үзэгч,сонсогч фенүүддээ ээлжит бэлгээ задлахад бэлэн болжээ. Тэд анх хамтлаг байгуулахдаа маш олон зүйлүүдийг төлөвлөж тэрнийхээ дагуу уран бүтээлээ туурьвасаар ирсэн бөгөөд 2012 онд "Удиртгал" нэртэй анхны бие даасан цомог, 2013 онд "Төгсгөлгүй эхлэл" тоглолтыг 100% амьд оркестртой, 2014 онд Их эзэн Чингис хааны талбайд 5-н жилийн ойн тоглолтоо тоглосон гэх мэтчилэн олон зүйлүүдийг чамгүй хугацаанд амжуулжээ.

  Энэ удаад тус хамтлагийн залуус өөрсдийн мөрөөдлийн нэгэн чухал зүйл болох өөрсдийн тоглох гэж буй "Надад үлдсэн найз" мюзиклынхаа ажилд хэдийнээ орон бэлтгэл ажлаа хангаад эхэлсэн байна. Тун удахгүй сонсогчидтойгоо шинэ уран бүтээлүүдээр учран золгох Монгол поп опера хамтлаг "Увертюра" хамтлагийн залуусдаа амжилт бүхний дээдийг хүсье.