Германы нэртэй брэнд үйлдвэрлэгч “Montblanc” фирм их эзэн богд Чингис хааны нэртэй “Чингис хаан” үзэг цөөхөн тоотой үйлдвэрлэжээ. Энэ үзэг 925-ын сорьцтой алт, мөнгөөр чимэглэсэн 0,5 карат очир алмааз бүхий гэнэ. Үзэгний хошууг 750 каратын алтаар урлажээ.

Фирм ийм үзэг ердөө 35-ыг үйлдвэрлэснийхээ 10-ыг нь Монголд тус бүрийг нь 180 сая  төгрөгөөр борлуулахаар төлөвлөж байгаа гэнэ.
Үүний өмнө Италийн “Ancora” фирм анх удаа “Чингис хаан” нэртэй үзэг ердөө 88 ширхгийг үйлдвэрлэсэн удаатай.

Энэ бас л алт, мөнгө, эрдэнийн чулуугаар чимэглэсэн байсан  юм. Энэ үзэг 3500 доллараар зарагдсан юм.