ОХУ-ын Таганрог хотын харьяат 1985 онд төрсөн нэгэн залуу  цэргийн алба хааж байгаад 2004 онд оргож сураггүй алга болжээ. Түүний эхлээд эрэн сурвалжилсан ч олдоогүй учир хэдэн сарын дарах хайхаа зогсоосон байна. Гэтэл саяхан Камчаткийн хязгаарын Радыгино тосгоныхон ойролцоо ойд хэн нэгэн амьдарч байна гэж мэдээлсний дагуу цагдаагийнхан шалгаж үзвэл өнөөх залуу газар гэрт амьдарч байсныг олж саатуулжээ.
“Залуу хамгийн ойрын суурин газраас ойролцоогоор 1,5 км зайтай газарт гүн ойд газар гэр барин амьдарч байсан.  Тэр загас барьж, элдэв ургамал түүн иддэг байж. Төрөл төрөгсөд болон, ер нь хүмүүстэй ер уулздаггүй байж. Ойд хэн нэгэн амьдарч байгаа тухай мэдээлэл бидэнд нутгийн иргэд өгсөн” гэж Дотоод яамны орон нутгийн салбарынхан мэдэгджээ.