Огайо мужийн 15 настай Алексис Боровик бүр арваннэгдүгээр сарын 8-нд нохойгоо салхилуулах гэж гараад сураггүй болсон байна. Цагдаагийнхан 41 настай Крис Шредер гэгчийг энэ хэрэгт сэжиглэн охиныг Миссури дэх гэртээ аваачиж бэлгийн дарамт хүчирхийлэл үйлдэж байгаа байх хэмээн таамаглажээ.
Алексис охин энэ эртэй онлайн-чатаар танилцсан гэнэ. Охин ийнхүү гурван долоо хоног олзонд байсан байна.
Охины эцэг эх  харин Холливудын нэрт жүжигчин Николас Кейжийг хөрш Кливлендэд кино зураг авхуулан явж байгааг дуулаад  тусламж хүсчээ. Кейж танихгүй хүний гуйлтыг дуулаад тэвдсэн ч олон хүнд үзүүлбэл юмыг яаж мэдэх вэ сураг гарч магадгүй хэмээн охины зургийг харъя гэсэн байна.
“Кейж зургийг хараад надаас хэзээ алга болсон юм гэж асуусан. Би хариуд нь бараг хоёр долоо хонож байна гэхэд жүжигчин харамсалтай байна” гэсэн гэж Бритт Рамси ярьжээ.
Кейж авсан зургаа интернетээр түгээж эхэлжээ. Ингэсээр цагдаагийнхан ч багагүй хөөцөлдсөний эцэст охины байж болох хаягийг интернетээр дамжуулан олсон байна.  
Жүжигчин Николас Кейж охиныг аврахад гол үүрэг гүйцэтгээгүй байж болох ч ямар ч байсан тэрээр цагдаагийнхны ажилд тусалжээ.
Одоо Алексисын гэр бүлийнхэн жүжигчинд талархал илэрхийлж боломжтой цагт нь урьж шар айргаар дайлахыг хүсч байгаа гэнэ.