ОХУ-ын Буриад улсын Баргузины районы Баир Будаев гэгч бизнесмэн дэлхий дээрх хамгийн том гэр барихаар төлөөвлөөд ажиллаж байна. Энэ ажилдаа тэрээр монголоос хамгийн сайн мэргэжилтнүүдийг урьж оролцуулна гэжээ. Бизнесмэн Усть-Баргузин тосгонд байгуулж байгаа “Баргужин Токум” нэртэй аялал жуулчлал, зочид буудлын цогцолбортоо ийн асар том монгол гэрээ барих юм байна.
2016 оны хавраас жуулчдыг хүлээн авч эхлэх, 2020 он гэхэд бүрэн ашиглалтад орох энэ цогцолбор нь Монгол, Хятадын жуулчдыг татах гол газар болно гэж Баир Будаев хэлж байна.