Камеруны Хөлбөмбөгийн холбоо үндэсний шигшээ багинхаа дасгалжуулагчийг шинэлэг аргаар, чөлөөт хэвлэлээр зарлаж олж авах шийдвэр гаргасан байна.
Twitter дэх тус холбооны албан ёсны хуудсанд хөлбөмбөгийн шигшээ багийн дасгалжуулагчийн албан тушаалд нэр дэвших хүмүүсийн мэдүүлгийг авна гэсэн зар хэдийнээ гарчээ. Камеруны хөлбөмбөгийн үндэсний багийг тэргүүлэх хүн нь эрүүл чийрэг биетэй, эрс шийдэмгий зан чанартай хүн байх ёстой гэнэ. Мөн африк хөлбөмбөгийн талаар сайн мэдлэгтэй, өөрийн гэсэн бодолтой хүн байхыг онцолжээ. Нэр дэвшигч Камерунд байнга оршин сууж амьдрахад бэлэн байж дипломын хуулбар, намтар, өргөдөл, 2016-2018 онд хэрэгжүүлэх  хөтөлбөрөө илгээх  юм байна.
Энэ оны аравдугаар сарыг хүртэл Камеруны хөлбөмбөгийн багийг германы мэргэжилтэн Фолькер Финке жил хагасын хугацаанд тэргүүлж байсан юм. Финкегийн удирдлага дор камеруны баг 2014 оны дэлхийн аварга, 2015 оны африкийн цомын тэмцээнд амжилтгүй оролцож аль алинд нь хэсгээсээ гарч чадаагүй үлдсэнээс  ийнхүү дасгалжуулагчийн эрэлд мордоод байгаа юм байна.