Саяхан олон улсын наадамд аваргалаад ирсэн УДБЭТ-ын гоцлол дуучин, Монгол Улсын гавьяат жүжигчин Э.Амартүвшин төлөвлөгөөт тоглолтдоо оролцохоор Тайванийг зориод удаагүй байна. Тэгвэл түүний дараагийн тоглолт ОХУ-д үргэлжлэх аж.  УДБЭТ-ын зургаан уран бүтээлч энэ сарын сүүлээр Красноярск хотод болох олон улсын хөгжмийн фестивальд урилгаар оролцохоор болсон нь энэ. Хоёр маестро, Э.Амартүвшин,  С.Мөнгөнцэцэг,  Д.Алтанхуяг, Р.Доржхорол  нарын уран бүтээлч тус фестивалийн программд орсон “Чио Чио сан” дуурь болон гала тоглолтод оролцох нь.