Монголоос хууль бусаар гарган 2007 онд Нью-Йоркийн дуудлага худалдаагаар зарсан үлэг гүрвэлийн гавлын ясыг авсан хүн Монголын засгийн газарт эргүүлэн өгнө гэж АНУ-ын Хуульзүйн яам мэдэгдсэнийг хэвлэлүүд мэдээллээ.
Британийн Guardian сонинд бичсэнээр бол Нью-Йоркийн өмнөд тойргийн прокурор Прит Бхарара аюулаас хамгаалах болон, цагаачлалын албаны ажилтнуудтай хамтран тарбозаврын гавлын ясыг эргүүлж авахаар шүүхэд иргэний нэхэмжлэл гаргасан юм байна. Дуудлага худалдаанаас худалдаж авсан эзэн нь өөрийн нь авсан гавлын яс Монголоос хууль бусаар АНУ-д орж ирснимйг мэдээд эх оронд нь эргүүлэн өгөхийг зөвшөөрчээ.
Тарбозаврын энэ  гавлын ясыг Монголын говь нутгийн Нэмэгт гэдэг газраас олсон гэж хэвэлд бичсэн байна.
Монголын хууль ёсоор бол тус улсын нутаг дэвсгэрээс олдсон үлэг гүрвэлийн яс элдэв үлдэгдлийг Монголын засгийн газарт эргүүлэн өгөх ёстой юм байна. Мөн ийм олдворыг МОнгол Улсаас гаргахыг хоригложээ хэмээн ria.ru сайт мэдээллээ.